Zóndig 25 mei 2014

Ein sjtraolende zón en ’t ruuk nao sjpek mit ei en kirmes. Resepsie àla Waageboewesj Buurt Sjteivig.

Ummer get angesj. L1 boewt hun camera’s al op. Regievergadering. Op ’t Frans Kloosterterrein waere de vastelaoveswaages langzaam oppe plaats gezat.

’t Pas sjus. Mer dan höbste ouch get. De Jubiley Optoch. Zo mer ein ideeke van twee boewesj jaore gelee mer grandioos georganiseierd door väöle.

De positieve enersjie van ein jaor besjtuursvergadere, kemissevergadere en zo mer vergadere kump deze zónnige zóndigmiddig alleney d’roet.

De camera’s vleige door de lóch. De ganse Mert sjteit sjtampvol. Live in alle hoeskamesj van Limburg. Waat ein waageboewpromosie.

Es de waage oet Oijen de Mert op kump krig mènnigein houndervel. Soms waere ideeje geweun wirkelikheid esse mer wils en dat is geneite mit de grote G.

Al is jederein noe ram kepot: Erwin, Bennie, Dieter, Jean en de piepkes en veer gaon nog neit nao hoes!

En waat ein prachtig waer!